साहित्य रचना : साहित्य का समृद्ध कोष
संकलित रचनाएँ : 3571
कवन सुगवा मार देलस ठोरवा,
ए रामा गजब भइले ना।
कि आहो रामा सुगवा जुठार देलस केरवा,
ए रामा गजब भइले ना।
कतना जतनवा से भोगवा बनइनी,
ए रामा गजब भइले ना।
कि आहो रामा सुगवा जुठार देलस भोगवा,
ए रामा गजब भइले ना।
छोटका बबुआ जे बहंगी उठइले,
ए रामा गजब भइले ना।
कि आहो रामा सुगवा जुठार देलस सेउवा,
ए रामा गजब भइले ना।
सुगवा जे उड़ले आकाशवा
सूरुज देव पासवा,
ए रामा गजब भइले ना।
कि आहो रामा सूरुज देव खींचले परनवा
हो गिर गइले सुगना,
ए रामा गजब भइले ना।
कि सुगनी जे करेली विलपवा
सूरुज देव दीही ना आशीषवा,
ए रामा गजब भइले ना।
कि आहो रामा दिहले आशीष
सुग्गा उड़ले आकाशवा,
ए रामा गजब भइले ना।
पावन छठी मैया के व्रतवा
करे सब लोगवा,
ए रामा गजब होइहे ना।
कि छठी मैया दीहे आशीषवा
हो भरिहे अँचरवा,
ए रामा गजब होइहे ना।
साहित्य और संस्कृति को संरक्षित और प्रोत्साहित करने के लिए सामूहिक प्रयास की आवश्यकता होती है। आपके द्वारा दिया गया छोटा-सा सहयोग भी बड़े बदलाव ला सकता है।
सहयोग कीजिए
